"Specchio, specchio delle mie brame,
chi é la più bella del reame?"
A dire 'o vero:
tu no... tu propio no!
Ca tu t'allisce, ca tu t'acconce,
ca tu te pitte, ca tu t'arrízze:
sì sempe tu, sì sempe brutta!
Lascia perdere, lascia stá,
nun te truccá, nun t'arraggiá;
l'anne stanno sempe là!
"Specchio, specchio delle mie brame,
guarda ccá! Chi é la più bella del reame?
Ca tu 'e tire, ca tu 'e vizze,
chelle s'ammosceno sempe
comm' a doje pere ncopp' â panza!
Lasci' 'e stá, nun 'e tuccá,
a chesta età lasci' 'e pénnere,
lasci' 'e fà 'o tiempo loro!
"Specchio, specchio delle mie brame,
ci sono più belle nel reame?"
Ca tu zumpe, ca tu curre,
'e presútte stanno lá,
nisciuno 'e move, nisciuno 'e leve,
aváscia sta veste, nun 'e fà guardà.
E mo siente a me, lasciame stà,
nu me nzurdá ogne matina,
cummuóglie 'o specchio,
nun t'ammirà, chillo dice 'a veritá!
Cocche vota t'impressione
e ce rieste male.
Lascia perdere, lascia stà,
cagne mestiere, nu fà rirere 'a gente.
Si sì bella o si sì brutta
nun è 'o specchio ca nce 'o dice:
é l'ammore! ... E' l'ammore,
se 'o tiene dint' 'o core!
Ma se lá ce tiene 'o male
allora scuordate e t'ammirá!!
(Baiano: 16 Dicembre 1993)
